Naghiusa ang Department of Trade and Industry ukon DTI Sultan Kudarat kaupod sang mga coffee communities sa bug-os nga kalibutan sa pagsaulog sang International Coffee Day subong nga Oktubre 1, 2026.
Tema sa sini nga tuig ang “Coffee is Part of the Solution.” Suno sa DTI Sultan Kudarat, ang kape indi lamang isa ka ilimnon nga ginainom kada adlaw, kundi importante man nga source sang pangabuhian, oportunidad sa negosyo, kag kabahin sang agricultural kag MSME value chain.
Ginahatagan sang pagkilala sa sini nga selebrasyon ang mga coffee farmer, processor, entrepreneur, kag coffee enthusiast nga nagapanikasog para sa pag-uswag kag pagpadayon sang coffee industry.
Ginaagda ang tanan nga selebrar ang tagsa ka tasa sang kape kag kilalahon ang mga tawo nga nagapangabudlay sa likod sini—halin sa uma tubtob sa aton paborito nga brew.
Photo courtesy: DTI Sultan Kudarat
