Nagsubo karon ang tibuok komunidad sa Valencia National High School human sa pagkataliwan sa usa sa ilang mga estudyante nga opisyal nga gideklara nga namatay sa alas-10:28 sa gabii niadtong Setyembre 16, 2026.
Sumala sa opisyal nga pamahayag sa tunghaan, nahitabo ang maong insidente sa ikaupat nga floor sa Senior High School building human na sa regular nga ting-eskwela diin nakapauli na ang kadaghanan sa mga estudyante. Nakigtambayayong na ang tunghaan sa pamilya sa biktima, Parents-Teachers Association (PTA), ug sa Philippine National Police (PNP) alang sa padayong imbestigasyon.
Giklaro sa tunghaan nga wala pa’y pormal nga motibo o rason nga natino bahin sa maong trahedya samtang nagpadayon pa ang pagsusi sa kapulisan. Busa, hugot nga giawhag sa Valencia National High School ang tanan nga likayan ang pagpakaylap og dili beripikadong impormasyon o mga katha-katha nga istorya sa social media.
Naghangyo usab sila sa publiko nga tahuron ang privacy ug ang kasubo sa pamilya sa biktima, ug mosalig lamang sa mga opisyal nga pahayag nga ipagawas sa opisyal nga mga panid sa tunghaan
Kagahapon, usa ka Banal nga Misa ang gipahigayon nga gipangulohan ni Fr. Jay Mark R. Villarias alang sa kapahulayan sa kalag sa namatay nga estudyante ug sa paghatag og kalinaw sa iyang pamilya, mga magtutudlo, ug mga classamte. Pinaagi sa pagdagkot sa kandila sa dapit nahitaboan ug pagsuporta, gipahinumdoman sa eskwelahan ang tanang mga batan-on nga wala sila nag-inusara sa ilang kalisod ug kasakit, samtang padayon silang nag-ampo alang sa dayong kapahulayan mitaliwan nga sakop sa ilang tunghaan
Photo Courtesy: Valencia National High School
