Nadakpan ang usa ka high-value individual sa gipahigayong search warrant operation batok illegal drug trade, sa Barangay Poblacion, Kidapawan City; ang suspek giila sa alyas “Jester”, 28 anyos nga mag-uuma, ug narekober sa maong operasyon ang kapin 11 gramos nga gituohang shabu nga adunay estimated DDB value nga 74,800 pesos, sayong kabuntagon niadtong September 16, 2026.
Gipahigayon ang operasyon alas 5:55 sa buntag sa Kidapawan City Police Station, sa pagkigtambayayong sa 1st Cotabato Provincial Mobile Force Company ug PDEA 12.
Na-recover usab gikan sa maong lugar ang usa ka dako, usa ka medium ug upat ka gagmay nga sachet sa gituohang shabu. Ang mga ebidensya gimarkahan sa lugar sa operasyon atubangan sa saksi nga mga opisyal ug representante sa media, ug isumite sa Provincial Forensic Unit alang sa laboratory examination.
Samtang giandam na ang kasong ipasaka batok sa suspetsado.
