Giklaro ni Eric Rosillo, LPT MCDRM ang Operations and Warning Division Head sa Provincial Disaster Risk Reduction Management (PDRRMO) atol sa pakighinabi sa Juander Radyo Tagum News Team, nga anaa sa “Fair” category ang air quality sa Davao del Norte base sa pinakabag-ong monitoring sa nasangpit nga buhatan ug dili kinin angay kabalak-an.
Sumala sa datus nga gipagawas sa Environmental Management Bureau (EMB) Davao Region ang Air Quality Index (AQI) value sa Setyember 10, 2026 alas-10 sa buntag anaa sa 68.54, nga giklasipikar isip “Fair.” Mas ubos kini kung itandi sa mga naunang adlaw, diin nakarekord og 97.29 niadtong September 7, nga anaa sa 76.05 niadtong September 8, ug 75.85 niadtong September 9, 2026.
Bisan pa man og naa sa “Fair” category ang kasamtangang air quality, gipahinumdoman ni Rosillo ang mga Dabaonons nga magmatngon sa kalidad sa hangin, ilabina ang mga sensitibo sa polusyon sama sa mga bata, tigulang, ug adunay respiratory conditions. Sumala sa pinakabag-ong report, labaw sa 202,000 hectares ang nasunog gikan Enero hangtod Hulyo 2026, samtang gibanabana sa environmental group nga dugang pa nga mga 600,000 hectares ang nasunog niadtong Agosto.
Mas gipasamot pa kini tungod sa grabe nga kainit nga may kalabutan sa “super El Niño.” Sa karon kapin 113,000 ka tawo sa Indonesia ang gitaho nga nakasinati og respiratory illnesses nga nalambigit sa wildfire pollution labaw sa 50,891 niadtong September 1. Kapin 12.5 milyon ka tawo usab ang nalantawan sa haze sa pito ka probinsya sa giingong nasud.
