Nadawat ang kapin 38,500 ka Tilapia ug Hito fingerlings sa 24 ka mag-uuma sa Barangay Kaligutan, Laak atol sa turn-over ceremony niadtong Septiyembre 10.2026. Gani niabot sa 26,000 ang Tilapia fingerlings samtang 12,500 ang Hito fingerlings, nga gipang-apod-apod sa Provincial Agriculturist Office o PAGRO.
Nakadawat usab ang mga benepisyaryo og nagkalain-laing vegetable seeds. Kabahin kini sa mga programa sa Probinsyal nga Pangagamhanan ubos sa pagpangulo ni Governor Raul “RM” Mabanglo alang sa pagpalig-on sa sektor sa agrikultura ug paghatag og dugang suporta sa mga mag-uuma.
Lauman nga makatabang ang maong mga fingerlings sa pagpalambo sa produksyon sa isda ug pagdugang sa panginabuhian sa mga benepisyaryo, ilabina sa mga komunidad nga nagsalig sa agrikultura ug pangisdaan.
