Nakompleto na sa Department of Labor and Employment (DOLE) ang ilang target nga labor inspection sa 106 ka establishments sa Zamboanga del Sur, base sa datos as of August 27, 2026.
Sa 106 ka target establishments, 106 na ang na-inspeksyon, o katumbas sa 100 porsyento nga accomplishment diin pinakadaghan niini ang anaa sa wholesale ug retail sector.
Nasakop usab ang 29 ka hotel ug restaurant establishments nga kasagarang konektado sa tourism industry, walo ka construction projects, ug 20 ka establishments gikan sa manufacturing, utilities, transportation ug education sectors.
Sa maong mga inspection, 21 ka establishments ang adunay pending cases diin sagad sa nakita nga kalapasan mao ang labor standards ang basic wage, premium pay, holiday pay, ug mga kontribusyon sa SSS, PhilHealth ug Pag-IBIG.
Samtang sa occupational safety and health, nakitaan usab ang mga kakulangon sama sa first aider, safety officer ug OSH program. Padayon usab ang DOLE Zamboanga del Sur sa pag-monitor sa mga construction projects, diin 93 na ka proyekto ang nasakop sa monitoring sa probinsya.
