Nadakpan sa mga personahe sa Hagonoy Municipal Police Station (TRACKER TEAM) ang Top 5 Most Wanted Person (MWP) sa Provincial Level atol sa gipahigayon nga manhunt operation didto sa Brgy., Upper Malinao, Padada, Davao del Sur. Ang dinakpan giila nga si Alias “Ced” , lalaki , 20 anyos, ug residente sa Brgy.,Upper Malinao, Padada, Davao del Sur.
Nadakpan kini pinaagi sa Warrant of Arrest nga gi-isyu ni Hon CARMELITA SARNO DAVIN, Presiding Judge of 11th Judicial Region, Branch 19, Digos City, Davao del Sur niadtong July 28, 2026 alang sa kasong violation of Robbery With Intimidation Against Person Under art. 294 Par. 5 of the Revised Penal Code with criminal Case No. 034(2026) ug adunay 100,000.00 pesos nga girekomendar nga piyansa.
Human sa pagdakop, gipahibalo kini sa iyang mga katungod subay sa balaod ug gibalhog sa Hagonoy MPS alang sa hustong dokumentasyon. Gipahayag sa Hagonoy MPS nga ang maong kalampusan kabahin sa ilang padayon nga kampanya batok sa mga wanted persons ug sa pagpalig-on sa seguridad ug kalinaw sa komunidad.
Giawhag usab sa kapulisan ang publiko nga magpadayon sa pagpakigtambayayong pinaagi sa paghatag og kasaligan nga impormasyon bahin sa mga tawo nga adunay aktibong warrant of arrest.
