Arestado ang tatlo ka ginapatihan nga high-value individuals ukon HVI sa raid sang Philippine Drug Enforcement Agency ukon PDEA Sultan Kudarat, kaupod ang Sultan Kudarat Provincial Drug Enforcement Unit ukon SKPDEU, sa ginapatihan drug den sa Purok Uno, Galinato Village, Barangay Dansuli, Isulan, sang gab-i sang Oktubre 9, 2026.
Natigayon ang operasyon sang alas-10:22 sang gab-i kag ginkilala ang mga suspek sa ila mga alyas nga “Ed”, “Nani” kag “Abi”, nga tanan mga hamtong kag residente sang Isulan. Si alyas “Ed” ang panguna nga target sang operasyon kag ginapatihan nga tag-iya ukon nagadumala sang ginapatihan nga drug den.
Nakumpiska sa raid ang ginapatihan nga ilegal nga droga nga may kabug-aton nga 10.25 gramos kag ginabulubanta nga nagabalor sang ₱69,000, lakip ang isa ka cellphone, Mentos Pure canister, nagkalain-lain nga drug paraphernalia kag ₱1,000 nga kwarta.
Ang tatlo ka suspek yara na sa kustodiya sang Isulan Municipal Police Station samtang ginapreparar ang mga dokumento para sa pagsaka sang nagakaigo nga kaso bangod sa ginapatihan nga paglapas sa Republic Act 9165 ukon Comprehensive Dangerous Drugs Act of 2002.
