Gipahigayon sa Titay MFS ang training alang sa mga student leaders sa Palomoc National High School aron maandam sila isip mga miyembro sa School Emergency Response Team.
Pinaagi sa hands-on training ug teamwork, gitudloan ang mga estudyante sa importanteng kahibalo bahin sa emergency preparedness, first aid, evacuation procedures ug disaster response.
Tumong sa maong pagbansay nga mapalambo ang abilidad sa mga batan-ong lider sa pag-atubang sa mga emerhensya ug paghatag og unang tabang samtang naghulat sa pag-abot sa mga propesyonal nga responders.
Gipasiugda usab sa programa ang importansya sa teamwork ug disiplina aron ang mga estudyante mahimong mas andam sa pagpanalipod sa ilang kaugalingon, mga kauban sa eskwelahan ug sa komunidad panahon sa kalamidad.
Pinaagi sa maong programa, gilauman nga mas mapalig-on ang kultura sa disaster preparedness ug safety sa Palomoc National High School, samtang gihatagan og kahigayunan ang mga batan-ong lider nga mahimong kabahin sa pagluwas ug pagpanalipod sa kinabuhi panahon sa emerhensya.
