Nakadawat og tig-10 ka kilo nga bugas ang 4,011 ka pamilya sa Alabel, Sarangani isip kabahin sa Local Government Support Fund-Financial Assistance to Local Government Units Rice Distribution Project sa gobyerno. Gihatod ang rice assistance niadtong Agosto 20 pinaagi sa Ronda Probinsya, usa sa mga programa sa Pamahalaang Panlalawigan sa Sarangani.
Sa maong distribusyon, 1,462 ka pamilya gikan sa mga barangay sa Baluntay, Tokawal, Domolok, Maribulan ug Alegria ang nakadawat sa ayuda. Samtang 2,549 ka pamilya gikan sa Ladol, Kawas, Spring, Bagacay ug Poblacion ang nakadawat usab og tig-10 ka kilo nga bugas.
Tumong sa maong programa nga makatabang sa mga pamilyang nanginahanglan, ilabina sa ilang adlaw-adlaw nga panginahanglanon ug pagsiguro nga adunay igo nga pagkaon sa ilang lamesa.
Padayon ang panagtinabangay sa Pambansang Gobyerno, Pamahalaang Panlalawigan ug Pamahalaang Bayan aron mahatod ang gikinahanglang ayuda ngadto sa mga pamilyang Sarangan.
Photo Courtesy: PLGU Sarangani
