Nasikop sa kapulisan ang usa ka lalaki kinsa nalista isip Street level individual sa gikasa nga drug buy bust operation sa kapulisan sa Purok 2, Barangay Bobongan, lungsod sa Labason, Zamboanga del Norte.
Wala na hinganli ang dinakpan, 57 anyos ug residente sa maong dapit. Nasakmit gikan sa suspetsado ang 1 ka gamay nga pakete sa shabu ug 3 ka mga pakete sa shabu gikan sa iyang posisyon.
Dugang nasakmit gikan sa dinakpan ang 500 peso bill nga buy bust money ug us aka brown wallet nga gisudlan sa druga. Motimbang sa 1 ka gramo ang narecover gikan sa dinakpan nga mokantidad sa Php6,800.00.
Tingkagol sa selda sa Labason Municipal Police Station ang suspetsado, samtang ang mga ebidensya giturnover ngadto sa Zamboanga del Norte Provincial Forensic Unit alang sa eksaminasyon.
Photo Courtesy: Labason MPS
