Arestado ang usa ka 43-anyos nga ulitawo atol sa buy-bust operation nga gipahigayon sa Purok Tinimbo, Barangay Poblacion, Cateel, Davao Oriental, pasado alas 5:00 sa buntag niadtong Agosto 14, 2026.
Gipangulohan ang operasyon sa Cateel Municipal Police Station kauban sa mga operatiba sa PDEU/SOT DOPPO, PIU DOPPO, 1st DOPMFC ug 1103rd RMFB ug sa koordinasyon sa PDEA Region XI. Nasikop ang suspek nga giila sa alyas “Dindin,” nga usa ka Street-Level Individual (SLI), ulitawo, walay trabaho ug residente sa Purok Talisay 1, Barangay Poblacion sa maong munisipyo.
Nakuha gikan sa dinakpan usa ka heat-sealed transparent plastic sachet nga gituohang adunay shabu nga giingong buy-bust item, duha pa ka pakete nga possession items, ug P500 nga buy-bust money. Ang nakumpiskang illegal nga droga adunay gibug-aton nga mokabat sa 0.4 gramos ug adunay kantidad og P2,720.00.
Human sa pagdakop gipahibalo ang akusado sa iyang mga katungod ug gilayong gidala sa kustodiya sa Cateel Municipal Police Station alang sa hustong disposisyon ug mag atubang sa kasong paglapas sa Republic Act No. 9165 kun Comprehensive Dangerous Drugs Act of 2002.
Photo Courtesy: Cateel MPS
