Nasikop sa kapulisan ang usa ka 47-anyos nga lalaki sa usa ka follow-up operation sa Tayasan, Negros Oriental, niadtong Miyerkules, Hulyo 29, 2026 nga maoy suspetsado sa pagpangawat sa usa ka motor nga gitaho nga gikawat sa Sitio Hacienda Del Prado, Barangay Sta. Cruz Viejo, Tanjay City.
Sumala sa Tanjay City Police Station, miadto ang biktima sa estasyon niadtong Martes, Hulyo 28, aron ireport ang pagkawala sa iyang motorsiklo nga gikuha sa usa ka wala mailhing lalaki samtang nagbiyahe siya sa Sitio Hacienda Del Prado, Barangay Sta. Cruz Viejo, Tanjay City.
Base sa imbestigasyon, gibutyag sa biktima nga gipahunong siya sa suspek nga nagtindog sa tunga sa dalan. Sa dihang mihunong siya, misulay ang suspek sa pag-ilog sa iyang motorsiklo.
Sa dihang nakita sa biktima nga adunay gikuha ang suspek gikan sa iyang sling bag, nahadlok siya ug midagan. Gipahimuslan sa suspek ang higayon ug milampos sa pagkuha sa motorsiklo.
Photo Courtesy: PNP TANJAY NIR
