Gipaniguro sa Iligan City Police Office (ICPO) nga mas mapalig-on pa nila ang pagpatuman sa kalinaw ug seguridad sa dakbayan human sa pag-abli sa ilang bag-ong headquarters.
Matud ni ICPO spokesperson PMaj. Zandrex Panolong, ang bag-ong pasilidad makatabang aron mas episyente ang ilang serbisyo ug mas maampingan ang mga kagamitan sa kapulisan.
Dugang ni Panolong, ang maong building dili lamang bag-ong opisina kondili simbolo usab sa mas lig-on nga paningkamot sa ICPO sa paghatag og hapsay, luwas, ug kasaligan nga serbisyo alang sa tanang residente sa dakbayan.
