Padayon ang pagpahigayon karung adlawa sa License To Own and Possess Firearms (LTOPF) nga gipangulohan sa Negros Occidental Police Provincial Office (NOCPPO) ubos sa direktiba ni PLTCOL Nazer P. Canja diin ipahigayon didto sa Annex Bldg. Luyo sa City Hall Hulyo 29, 2026.
Matud ni Police Lieutenant Colonel Nazer Canja, importante nga marehistro sa mga tag-iya ang ilang mga armas aron malikayan ang posibleng legal nga problema tungod sa wala marehistrong armas.
Giawhag usab niya ang mga indibidwal nga gustong legal nga makapanag-iya og armas, lakip na kadtong adunay mga armas nga napaso na ang rehistro, nga magpahimulos sa maong serbisyo.
Gidapit usab ang publiko sa pagtambong sa programa diin, gawas sa pagproseso ug pagrehistro sa mga armas, gipahigayon usab ang gun safety orientation aron mapalig-on ang kahibalo sa husto ug luwas nga paggamit sa armas.
