Sikop ang 34-anyos nga lalaki kinsa dul-an 13 na ka tuig nga wanted sa kasong frustrated murder pinaagi sa gipahigayon nga joint manhunt operation sa kapulisan sa Lawaan, Brgy. Banonong, Dapitan City, Zamboanga del Norte niadtong milabayng adlaw.
Giila ang dinakpan nga si Joepet Rabutin, ulitawo, usa ka helper ug residente sa nasangpit nga barangay. Gisikop ang akusado pinasikad sa warrant of arrest sa maong kaso nga gipagula sa RTC, 9th Judicial Region, Branch 7, Dipolog City Zamboanga del Norte pinetsahan ug Disyembre 27, 2013.
Mokabat sa Php200,000.00 ang pyansa nga girekomendar sa korte alang sa akusado. Kasamtangang nakakustudiya sa Dapitan City Police Station ang dinakpan alang sa tukmang disposisyon.
Photo Courtesy: Vecteezy
