Nagdonate og dugo ang mga pulis sa Provincial Headquarters, Municipal Police Stations, ug Provincial Mobile Force Companies (PMFCs) atol sa usa ma bloodletting activity niadtong Hulyo 23, 2026, isip kabahin sa pagsaulog sa ika-31 nga Police Community Relations (PCR) Month nga gihimo sa Conference Room sa Tubod Community Hospital and Diagnostic Center, Inc. sa Brgy. San Antonio, Tubod, Lanao del Norte.
Gipasiugdahan ang maong kalihukan sa kapulisan ubos sa pagdumala ni PCOL Leo De Leon Sua, Provincial Director, ug sa pakigtambayayong sa Tubod Community Hospital and Diagnostic Center, Inc. ug sa Philippine Red Cross.
Matod sa LDNPPO, ang matag patak sa dugo nga gihatag simbolo sa ilang paningkamot dili lamang sa pagpatuman sa balaod kondili usab sa pagluwas sa kinabuhi ug pagpalig-on sa serbisyo alang sa komunidad.
