Usa ka 21-anyos nga Egyptian basketball player ang nakakuha og duha ka Guinness World Records human mapalapas ang iyang kaugalingong limitasyon sa basketball trick shots.
Si Alie Wessam nakarekord sa pinakalayong basketball hook shot pinaagi sa tira gikan sa gilay-on nga 82 feet ug 10 inches, ug sa pinakalayong basketball shot nga gihimo nga nagtalikod pinaagi sa tira gikan sa 90 feet ug 6 inches.
Pinaagi niini, nalabwan ni Wessam ang miaging rekord sa backward shot nga gihuptan ni Harlem Globetrotters player Corey “Thunder” Law, nga nakarekord og 87 feet ug 8 inches niadtong 2024.
Matod ni Wessam, usa ka kanhi miyembro sa Egyptian National Basketball Team, dako ang iyang kalipay sa pagkab-ot sa maong kalampusan.
Bisan pa niini, gipadayag niya ang iyang respeto sa Harlem Globetrotters ug miingon nga padayon pa siyang maningkamot aron mapalambo ang iyang abilidad ug makab-ot pa ang ubang mga world record sa umaabot
Photo Courtesy:Guinness World Records
