Gibutyag ni Patrick Peñaranda, Head sa PhilHealth Iligan ug Lanao del Norte, plano nilang palapdan ang optometry package dili lang nag edad og 0-15 anyos ang mahatagan og libreng antipara apan plano sab sa ahensya alang sa mga hamtong.
Gipasabot ni Peñaranda nga gihatagan og dakong importansya sa PhilHealth ang kahimsog sa mata sa mga kabatan-onan tungod kay sumala sa mga pagtuon, tulo sa matag napulo ka estudyante adunay problema sa panan-aw.
Matud niya, ang deperensya sa mata mahimong makaapekto sa pagkat-on sa usa ka bata, busa importante ang sayong pagpasusi ug pag-atiman aron malikayan ang kalisod sa ilang pag-eskwela.
