Gilaoman ang usa ka dakong big-time oil price hike sa sunod nga semana diin posibleng mosaka og ₱9.50 ngadto sa ₱10.50 kada litro ang diesel, samtang ₱3.50 ngadto sa ₱4.50 kada litro naman sa gasolina tungod sa mibalik nga tensyon sa militar tali sa Iran ug US didto sa Middle East.
Misamot pa ang krisis sa suplay tungod sa pagkunhod sa trapiko sa mga barkong tigkarga og lana sa Strait of Hormuz ug ang pag-ubos sa eksport sa diesel gikan sa Russia.
Aron matabangan ang mga pamilyang labing maapektuhan, daling gipahibalo ni Presidente Ferdinand Marcos Jr. ang pagpalapad sa UPLIFT Program diin mokabat sa 7.5 ka milyong panimalay (kapin 37.5 ka milyong Pilipino) ang makadawat og ayuda pinaagi sa digital nga paagi.
Lakip sa makadawat mao ang 3.5 ka milyong benepisyaryo sa 4Ps ug Walang Gutom Program nga hatagan og one-time cash aid nga ₱2,000, samtang ang 2.5 ka milyong pamilya ubos sa CBMS ug 1.5 ka milyong low-income workers sa SSS makadawat og ₱2,000 kada bulan sugod karong Hulyo hangtod Disyembre
Photo Courtesy: PNA
