Gisaksihan sa Department of the Interior and Local Government (DILG) Bukidnon Provincial Office ang gihimong costing kun pagbili sa 50 ka mga armas nga boluntaryong gisurrender sa mga kanhi rebelde niadtong Hulyo 16, 2026 didto sa Bukidnon Police Provincial Office sa Malaybalay City.
Ang maong mga armas nga gipresentar alang sa valuation gikan sa nagkalain-laing yunit sa militar ug kapolisan nga naggunit sa mga former rebels, lakip ang 8th Infantry Battalion (10 ka armas), 1st Special Forces Battalion (14 ka armas), 89th Infantry Battalion (12 ka armas), ug 1003rd Regional Mobile Force Battalion (14 ka armas).
Kini nga kalihokan usa ka mahinungdanong bahin sa Enhanced Comprehensive Local Integration Program (ECLIP) sa gobyerno aron masiguro ang saktong paghatag og kantidad sa mga armas subay sa kasamtangang mga polisiya sa panggamhanan.
Gawas sa proseso sa pagbili, kini nga inisyatibo nagpakita usab sa tiunay nga suporta sa gobyerno alang sa pagbalik sa normal nga kinabuhi sa mga kanhi rebelde, pagpakunhod sa armadong pakigbisog, ug pagkab-ot sa malungtarong kalinaw ug kalamboan sa probinsya sa Bukidnon pinaagi sa hiniusang pwersa sa mga kaabag nga ahensya.
Photo Courtesy:DILG Bukidnon
