Mapasigarbohong gihatagan og pasidungog sa Kagamhanang Lokal sa Malaybalay si Ms. Nicole Grace L. Ampong atol sa gipahigayon nga Convocation Program niadtong nakalabay nga adlaw sa Malaybalay City Hall.
Kini isip pag-ila sa iyang talagsaong kalamposan ug dungog nga gidala sa syudad human niya makab-ot ang prestihiyosong runner-up nga pwesto sa bag-o lang nahuman nga Miss Earth Philippines 2026 pageant.
Kahinumdumang ang maong nasyonal nga kompetisyon gipahigayon niadtong Hunyo 27, 2026, didto sa lungsod sa Malitbog diin gipakita ni Ampong ang iyang kaalam, kasingkasing alang sa kalikupan, ug pagsalig sa kaugalingon. Ang iyang kadaugan maoy natala nga pinakataas nga pwesto nga nakuha sa usa ka kandidata gikan sa Malaybalay City sa usa ka nasudnong pageant.
Tungod niini, nagpaabot sa iyang dakong pasalamat si Ampong sa lokal nga pagagamhanan sa ilang pagsalig ug suporta samtang gidala iyang adbokasiya sa tibuok nasud.
Ang maong kadaugan nagsilbi karong dako nga inspirasyon sa mga kabatan-onang Malaybalaynon nga ipadayon ang ilang mga damgo uban ang kaisog ug determinasyon
Photo Courtesy:LGU Malaybalay City
