Gipalig-on sa mga personahe sa Mati City Police Station ang pagpahigayon ug police visibility ug foot patrol operation sa Mati National Comprehensive High School, Brgy. Sainz, Mati City pasado alas 6:53 sa buntag, Hulyo 6, 2026.
Tumong sa maong inisyatiba aron sa pagpugong sa posibleng mga kalapasan sa balaod, pagpalig-on sa presensya sa kapulisan sa komunidad, ug paghatag og dayon nga tabang ug seguridad sa tulunghaan.
Dugang pa, ang kapulisan aktibong nagpahimangno ngadto sa mga estudyante mahitungod sa crime prevention ug hustong pamaagi sa pagreport sa mga insidente o kalihokang makapahasol sa kalinaw ug kahapsay sa komunidad.
Samtang gihangyo ang tanan nga magpadayon sa pagtinabangay, pagmatngon, ug pagpakigtambayayong sa mga otoridad aron mapadayon ang malinawon, luwas, ug hapsay nga palibot alang sa tanang estudyante, magtutudlo, ug mga residente.
Photo Courtesy: Mati CPS
