Naalarma ang Sangguniang Panlungsod sa Digos sa posibleng bag-ong kaso sa African Swine Fever o ASF sa Davao del Sur. Atol sa ika-48th Regular Session, gipadayag ni Vice Mayor Johari Baña nga adunay impormasyon nga may giingong bag-ong kaso sa ASF sa usa ka munisipyo sa lalawigan.
Bisan pa niini, iyang gipasiugda nga kinahanglan una ang opisyal nga kumpirmasyon gikan sa mga may katungdanang ahensya.
Giduso usab ang pagpalig-on sa biosecurity measures ug monitoring sa mga entry point sa siyudad aron mapugngan ang pagsulod sa ASF, samtang giawhag ang mga hog raisers nga motaho dayon kon adunay kalit nga pagkamatay sa ilang mga binuhing baboy.
Photo Courtesy: Philippine News Agency
