Dakpan ang duha ka mga drug suspect kinsa nagpayuhot sa ginadiling druga pinaagi sa gipahigayon nga drug buy-bust operation sa kapulisan sa Bypass Road, Purok Duranta 1, Barangay Gulayon, Dipolog City niadtong nakalabay nga adlaw.
Giila ang mga dinakpan nga sila alyas Danny, 41-anyos ug alyas Melvin, 30-anyos, pulos lumolupyo sa Barangay San Vicente, Dapitan City ug bag-o nga na identify nga mga Street Level Individual sa Drug’s Watchlist.
Narecover gikan sa mga dinakpan ang usa ka schet sa shabu nga nagsilbing buy-bust item ug ang 500 peso bill nga buy bust money.
Dugang nasakmit gikan sa posisyon sa duha ka suspetsado ang 4 ka sahcet sa shabu nga motimbang sa 1 ka gramo nga adunay kantidad Php6,800.00 ug uban pang mga non-drug items.
Ang mga ebidensiya ipadala sa Zamboanga del Norte Provincial Forensic Unit alang sa laboratory examination, samtang ang duha ka nadakpan anaa ubos sa kustodiya sa Dipolog City Police Station ug mag-atubang sa kasong paglapas sa Comprehensive Dangerous Drugs Act of 2002.
Photo Courtesy: Eva Lim
