Padayonon ug dili undangon sa City Health Office (CHO) sa Iligan ang ilang mga blood letting activity aron masiguro nga adunay igo nga suplay sa dugo alang sa mga pasyente nga nanginahanglan niini.
Sumala kang CHO Chief Med Tech ug City Blood Coordinator Dr. Maricar V. Lagos, dili mahimong undangan ang maong kalihokan tungod kay daghang pasyente ang nagsalig sa donasyon sa dugo.
Bisan pa sa padayon nga blood donation drive sa ubang mga ospital sama sa Amay Pakpak Hospital nga nakaabot sa lain-laing lugar sa Lanao ug Misamis, nagpabilin nga usa sa mga nagkinahanglan og daghang suplay sa dugo ang Iligan.
Tungod niini, nag-awhag ang CHO sa publiko nga magpadayon sa boluntaryong pagdonar aron makatabang sa pagluwas sa kinabuhi sa mga pasyente nga nanginahanglan og dugo.
