Nasikop ang usa ka 32-anyos nga lalaki nga giila isip Top 1 Municipal Most Wanted Person, human kini nasikop sa Sitio Coronado, Barangay Dado, Alamada, Cotabato, hapon niadtong Hunyo 16, 2026.
Giila sa kapulisan ang nadakpan nga si alyas nga Jockie, nga nag-atubang og kasong rape ubos sa Article 266-A sa Revised Penal Code. Gidakop siya pinaagi sa usa ka warrant of arrest nga gipirmahan sa Regional Trial Court Branch 17 sa Kidapawan City.
Ang operasyon gimandoan sa Makilala ug Alamada Municipal Police Stations ubos sa pagpanguna ni PLTCOL Tristan Vergel Javier Sablada.
Matod sa hepe sa kapulisan, padayon nilang gukdon ang mga naglapas sa balaod ilabina kadtong nalambigit sa mga krimen batok sa kababayen-an aron mapanubag sa hustisya ug maprotektahan ang mga biktima.
Photo Courtesy: PNP Makilala Municipal Police Station
