Gikumpirma ni Dr. Adnilre D. Verson sa Ipil Municipal Health Unit nga adunay usa ka kaso sa dengue sa Barangay Sanito nga misangko sa kamatayon, hinungdan nga gipakusgan pa ang kampanya kontra dengue sa lungsod.
Matod sa health official, ang maong insidente nagpasidaan sa publiko nga kinahanglan mas hugot nga lakang aron malikayan ang pagdaghan sa kaso sa dengue. Tungod niini, gipalig-on pa sa MHU ang mga information drive, clean-up activities, ug ang pagpahimangno sa mga residente sa tanang barangay.
Gidasig usab ang komunidad nga magpadayon sa paglimpyo sa palibot, tangtangon ang mga posibleng itlogan sa lamok, ug magpatang aw dayon sa health center kon makasinati og sintomas sa dengue sama sa taas nga hilanat, kaluya, ug sakit sa lawas.
Sumala pa sa MHU Ipil, ang kooperasyon sa katawhan maoy yawe aron mapugngan ang dugang nga kaso ug mapanalipdan ang komunidad batok sa dengue.
Photo Courtesy: MadePage Today
