Patay ang usa ka 58-anyos nga lalaki sa Digos City human sa kusog nga magnitude 7.8 nga linog niadtong Hunyo 8, 2026.
Sumala ni Barangay Sinawilan Chairman Bobby Palmero, nakit-an nga wala nay kinabuhi ang biktima sulod sa iyang panimalay human niini maluwas ang iyang pamilya atol sa paglinog.
Base sa inisyal nga imbestigasyon sa mga awtoridad, gituohang posible nga na-stroke o nakuryente ang biktima tungod sa live wire nga nakita sulod sa balay diin siya nakaplagan.
Padayon pa karon ang imbestigasyon aron matino ang eksaktong hinungdan sa iyang kamatayon.
