Gipahigayon ang Regional Kick off Ceremony sa Brigada Eskwela 2026, sa Zamboanga Peninsula Region sa Molave Vocational Technical School, Molave, Zamboanga del Sur karong adlawa, Hunyo 04, 2026.
Nanguna sa maong kalihukan si Department of Education (DEPED) 9 Regional Director Ronelo Al K. Firmo, CESO IV kauban ang mga Regional staff, Provincial staff, mga volunteers ug mga private stakeholders.
Nitambong usab sa kalihukan si Department of Labor and Employment (DOLE) 9 Regional Director Albert E. Gutib, Molave Municipal Mayor Cyril Glepa ug Labangan Municipal Mayor Raymund Yu.
Ang Brigada Eskwela 2026 usa ka tinuig nga programa sa DepEd nga nagtumong sa pag-andam sa mga eskwelahan alang sa pagsugod sa klase pinaagi sa panagtinabangay sa komunidad, mga volunteers, ug lain-laing stakeholders aron masiguro ang limpyo, luwas ug andam nga palibot sa pagkat-on alang sa mga estudyante.
Gilauman nga pinaagi sa maong kalihukan, mas mapalig-on pa ang kooperasyon sa tanang sektor alang sa kalampusan sa pagbukas sa klase para sa School Year 2026–2027.
Photo Courtesy: PIA Western Mindanao
