Nadakpan sa San Miguel Municipal Police Station (MPS) ang usa ka high-profile fugitive nga nalista isip Regional Top 5 ug Provincial Top 3 Most Wanted Person atol sa manhunt operation nga gihimo sa Purok Nangka, Barangay Mabuhay, Tandag City, Surigao del Sur niadtong Mayo 27, 2026.
Giila ni PMAJ Joemel L. Maquiling, Chief of Police sa San Miguel MPS, ang nadakpan pinaagi sa alyas nga “Niño,” 54 anyos, minyo, mag-uuma, ug residente sa Purok 2, Barangay Magroyong, San Miguel, Surigao del Sur.
Nasikop ang suspetsado pinaagi sa Warrant of Arrest nga gipetsahan niadtong Marso 10, 2026 alang sa mosunod nga mga kaso:
• Duha ka kaso sa Rape by Sexual Assault (Criminal Case Nos. 9940-26-FC ug 9941-26-FC) nga adunay girekomendang piyansa nga Php 200,000 matag kaso
• Usa ka kaso sa Qualified Rape of a Minor (Criminal Case No. 9942-26-FC) nga walay piyansa
Karon anaa na sa kustodiya sa San Miguel MPS ang nadakpan alang sa hustong dokumentasyon ug disposisyon.
Photo courtesy: San Miguel MPS
