Gikatahong gipusil sa kaugalingong manghod ang 40-anyos nga maguwang nga natigayon sa Purok 2, Brgy. Nebo, Sergio Osmeña, Zamboanga del Norte niadtong Mayo 24 sa may kapin kon kulang alas 9 sa gabie.
Sa inisyal nga imbestigayon sa kapulisan, ang biktima kauban ang pamilya natulog na sulod sa ilang panimalay dihang nakabati nga gibuno ug bato ang ilang panimalay. Sa dihang giablihan niini ang bintana aron sa pagsusi, nakita matod pa niini ang iyang manghod nga anaa sa gawas ug kalit nga mipabuto ug wala masuta nga armas nga nakaigo sa iyang tuo nga bukton.
Human sa insidente, dali nga misibat ang suspect padung sa wala matino nga direksyon. Dali usab nga gidala ang biktima ngadto sa Zamboang Del Norte Medical Center, Dipolog City og anaa sa stable nga kahimtang.
Padayon nga naglusad ug follow-up investigation ug police operation ang Sergio Osmeña Municipal Police Station alang sa posibleng pagsikop sa miikyas nga suspetsado.
Photo Courtesy:shutterstock
