Gipasabot ni Regie Gustilo, usa ka opisyal sa Phil-Health sa Davao de Oro, ang ilang bag-ong programa alang sa tanang employer nga adunay dakong kakulangan o wala nagahatag og kontribusyon para sa ilang mga trabahante sa nagkalain-laing negosyo sa probinsya sa Davao de Oro sa kasamtangang tuig.
Sumala sa opisyal, usa ka seryosong kalapasan ang dili pag-remit o paghatag og kontribusyon sa PhilHealth, labi na kung adunay mga empleyado ang usa ka negosyo. Obligasyon sa employer ang pagseguro nga ang ilang mga trabahante maapil ug makadawat sa benepisyo sa health insurance.
Nasayran usab nga mokabat sa 700 ka mga empleyado sa Davao de Oro ang wala matagaan og hustong kontribusyon sa PhilHealth, nga maoy hinungdan sa kakulangan sa ilang benepisyo kung magkinahanglan sila og serbisyong panglawas.
