Gipahigayon sa Department of Trade and Industry (DTI) pinaagi sa Negosyo Center Mati ug duha ka adlaw nga Bamboo Handicraft Skills Training with Costing and Pricing Seminar didto sa Barangay Taguibo, Mati City, Davao Oriental.
Ang kalihokan gipasiugdahan ni Jan Rino M. Apares, Trade-Industry Development Analyst ug gigiyahan ang mga partisipante nga gikan sa pag-andam sa kawayan nga gilakipan sa pagputol, pagnipis, ug pagtina.
Gipasabot usab ngadto kanila ang mga batakang gasto ug mga estratehiya sa pagpresyo ug pinaagi niini nakakat-on ang mga partisipante alang sa ilang negosyo ug makahatag sa ilang dugang kita.
Kini nga inisyatibo nagpasiugda sa padayon nga pasalig sa DTI sa paghatag ug gahum sa komunidad, ilabina sa kababayen-an pinaagi na sa paghatag og malungtarong kahigayonan sa panginabuhian pinaagi sa skills training ug pagnegosyo.
Photo Courtesy: DTI Davao Oriental
