Gipahigayon sa Juander Radyo Iligan sa pagpanguna ni Station Manager Shiraz Legazpi sa Juander Radyo Loyalista Incorporated Orientation didto sa Purok 3, Brgy. Sta Elena, Iligan City niadtong Abril 18, 2026.
Aktibo nga nitambong ang mga residente ug nakita ang ilang kalipay sa maong programa nga nagtumong sa pagpalig-on sa konsepto sa pagtinabangay, ilabi na kung adunay miyembro nga motaliwan, isip kabahin sa corporate social responsibility.
Gihatagan og gibug-aton ang ideya sa bayanihan, diin kung adunay miyembro nga motaliwan, ang matag usa motampo og 10 sentimos isip kinasingkasing nga tabang aron masuportahan ang pamilya nga nahibilin.
Ang Juander Radyo Loyalista Incorporated usa ka non-partisan nga organisasyon nga nag-awhag sa panaghiusa ug pagtinabangay sa tanang nanginahanglan.
Lakip sa ilang programa ang death assistance para sa mga miyembro, diin pinaagi lamang sa kontribusyon nga β10 sentimos,β makahatag na og dako nga tabang sa atong mga kaigsoonan nga Iliganon.
