Gisugyot ni ABC President ug City Coucilor Marlo Tabac nga dili lang magtutok ang lokal nga panggamhanan sa paghatag og pagtagad sa mga motorela drivers/operators apan labing nanginahanglan sab og tabang karon ang mga transport coopertatives.
Gani, sa niaging semana, pipila ka mga kooperatiba ang nagdeklara og transport holiday tungod sa kamahal sa presyo sa petrolyo nga nakapaminus sa ilang kita.
Gipunting ni Tabac nga tungod sa pagpatuman sa Public Transport Modernization Program, ang mga drivers, nahimo na nga empleyado sa coop nga nagadawat nalang og sweldo.
Matod pa sa Konsehal, nga subay sa ilang gihimong mga konsultasyon sa nagkadaiyang transport coop, hangtod karong semanaha nalang ang supply sa ilahan mga krudo. Tungod niini, lauman nga mabawasan ang ilahang mga unit nga mobiyahe.
Dugang ni Tabac, bisan unsang tabang ang dawaton sa mga transport coop labi na ayuda nga krudo aron nga makadagan ang ilahang mga sakyanan. Kini labi pa nga dili sab sila makapataas sa ilahang pletehan tungod sa pagsuspende sa Presidente.
Photo courtesy: Kapitan Lancelot Padla
