Gihingusgan sa BFP- Baganga paglapnag sa kahibalo bahin sa sunog niadtong nakalabay nga adlaw, sa Baganga Municipal Compound ang Fire Square Roadshow 2026 kini isip kabahin sa selebrasyon sa Fire Prevention Month sa Baganga Fire Station, ubos sa pagpangulo ni Fire Inspector Mario Santos.
Ang maong kalihokan nagtumong sa pagpalig-on sa kahibalo sa publiko kabahin sa kaluwasan sa sunog, kaandam sa emerhensiya, ug hustong pagtubag sa mga insidente.
Kabahin usab sa maong roadshow ang demonstrasyon sa hustong pamaagi sa CPR o Cardiopulmonary Resuscitation, ingon man ang pag-ila sa mga parte ug gamit sa fire truck. Pinaagi niini nga buhat, mas nasabtan sa mga partisipante ang papel sa matag kagamitan sa operasyon batok sa sunog.
Gani, gipahimangnoan ug gitudloan usab ang mga partisipante sa angay buhaton panahon sa emerhensiya, lakip na ang paspas nga pagresponde, maayong koordinasyon, ug husto nga pagdesisyon.
Gipakita usab ang demonstrasyon sa paggamit sa nagkadaiyang firefighting equipment, uban sa pagpasabot sa ilang hustong paggamit ug angay nga kahimtang niini.
