Gihingusgan sa Department of Science and Technology o DOST ang usa ka bag-ong programa nga nagtinguha sa pagpalambo sa panginabuhian ug kahibalo sa siyensya sa mga lokal nga komunidad. Tumong niini nga programa ang pagtabang sa gagmayng negosyo pinaagi sa modernong teknolohiya ug mga pagbansay.
Sumala sa DOST, apil sa programa ang paghatag og mga makinarya, technical assistance, ug livelihood training sa mga benepisyaryo. Gihatagan og prayoridad ang sektor sa agrikultura, pangisda, ug gagmayng manufacturing aron mapataas ang produksyon ug kita sa mga lumulupyo.
Nagpasalamat usab ang mga lokal nga opisyal sa DOST tungod sa dakong tabang nga madala niini sa ekonomiya sa lalawigan. Matod pa nila, dako kini og ikatabang sa pagpakunhod sa kakabos ug sa pagpalig-on sa kahibalo sa mga tawo sa paggamit sa teknolohiya.
Sa kinatibuk-an, gilauman nga maghatag kini og dugang oportunidad ug kalamboan sa Zamboanga Sibugay. Padayon nga giawhag sa DOST ang mga residente nga makigbahin ug pahimuslan ang mga proyekto alang sa ilang mas maayong kaugmaon.
Photo Courtesy: Philippine News Agency
