Nakaangkon og pangos ang duha ka driver sa tricycle ug motorsiklo human naaksidente duol sa Malasila bridge, Makilala, Cotabato adlaw nga Huwebes, Marso 19, 2026.
Sa impormasyon, managsama ang rota sa duha dihang kalit nga ni U-turn ang traysikol samtang nagsunod ang nagmotorsiklo. Matod pa wala niini mabantayi ang pagliko sa traysikol nga maoy hinungdan sa disgrasya.
Nalagpot sa dalan ang duha ka mga drayber nga nakaangkon og samad sa nagkadaiyang parte sa ilang kalawasan.
Sa pagkakaron nagpaayo na ang duha ka drayber sa balay tambalanan.
Photo Courtesy: Renato Corre
