Gisaysay ni Luther Migalbin Jr., ang tag-iya sa usa ka motorisklo nga gi-carnap sa Barangay Jose Rizal, Makilala, Cotabato, gabii niadtong Marso 16, 2026.
Sumala pa, nga iyang gibilin ang iyang motorsiklo gawas sa balay sa Kapitan sa maong Barangay aron sa pag-report sa ilang agi sa pagtrabaho, dihang pagbalik niya nakurat na lamang kini nga nawala na ang iyang motorsiklo.
Dugang pa, nga kampante lamang siya sa una tungod bisan kinsa lamang ang nagamaneho sa iyang motorsiklo ug kompyansa usab kini nga gibilin lamang niya ang susi sa mismong motor.
Samtang, sa pipila ka oras nga pagpangitaay nakit-an sa mismong tag-iya ang iyang motorsiklo nga gimaneho na sa dili niya kaila. Gisulayan pa sa pagpadagan sa giingong carnaper, apan naapsan kini sa mga residente sa lugar.
Sa karon, anaa na sa kustodiya sa Makilala MPS ang suspek ug ginaandam na sa otoridad ang kasong isang-at batok kaniya.
