Gikonsidera sa Pilipinas ang pag-angkat og lana gikan sa Russia isip kabahin sa pagpangita og mga bag-ong tinubdan sa fuel supply, sumala sa Department of Foreign Affairs (DFA).
Kini nga lakang gihimo tungod sa tumong nga mapaubos ang lokal nga presyo sa lana ug masiguro ang suplay, samtang ang 98% sa krudo sa nasud kasamtangang nagagikan sa Middle East, nga apektado karon sa gubat tali sa US, Israel, ug Iran.
Gitan-aw sa kagamhanan ang Russia isip potensyal nga supplier aron mapakunhod ang presyo sa petrolyo sa merkado. Sumala usab ni Energy Secretary Sharon Garin, nakig-alayon na ang Philippine National Oil Company (PNOC) sa mga Russian oil kumpanya, bisan pa man kung wala pa natuki ang mga detalye bahin sa kadaghanon o gidugayon sa suplay.
Sa pagkakaron, sumala sa kalihim, gihulat pa ang tubag sa Russia. Gawas niini, nakig-alayon na usab ang nasud sa uban pang mga exporter sama sa Thailand, Japan, ug Singapore aron maseguro ang igong suplay samtang nagpabiling dili lig-on ang presyo sa merkado sa tibuok kalibutan.
Photo courtesy: Maritime News
