Nagpadayon ang aktibong kampanya sa Nabunturan Municipal Police Station (MPS) batok sa nagkadaiyang ilegal nga binuhatan nga makadaot sa kalinaw ug kahapsay sa komunidad.
Sa pagbisita sa Juander Radyo News Team, gipahayag ni PLTCOL Gomersendo L. Diwata II, Chief of Police Marso 16, 2026, nga walay undang ang ilang mga operasyon aron mapugngan ug mapakgang ang mga indibidwal nga nagapadayon sa ilegal nga mga kalihokan sa lungsod.
Sumala pa kang PLTCOL Diwata, ilang gipahugtan ang kampanya batok sa ilegal nga droga pinaagi sa serye sa mga operasyon nga nagtinguha sa pagdakop sa mga nalambigit niini. Lakip usab sa ilang gipalig-on nga aksyon ang pagdakop sa mga indibidwal nga nagkupot ug mga armas nga walay hustong lisensya.
Gipadayon usab sa kapulisan ang pagpahigayon og mga pahimangno ug impormasyon sa katawhan aron malikayan ang pagpanag-iya ug paggamit sa mga ilegal nga armas.
Samtang, nagpadayon ang pagpahibalo sa Nabunturan MPS ngadto sa mga residente nga likayan ang pag-apil sa bisan unsang ilegal nga kalihokan aron malikayan ang kasamok og pag-atubang sa kaso sa balaod kong makahimo og bug-at nga salaod.
