Usa ka gamay nga langgam nga gitawag og Bar-tailed Godwit ang nakapahibulong sa mga siyentista tungod sa iyang talagsaong kusog sa paglupad sa layo nga distansya.
Matod sa mga pagtuon, matag tuig molupad ang maong langgam gikan sa Alaska paingon sa New Zealand, nga mokabat og kapin 8,400 miles nga walay hunong sa pagtabok sa Pacific Ocean sulod sa halos 11 ka adlaw.
Sa wala pa magsugod ang biyahe, ginadoble sa langgam ang timbang sa iyang lawas pinaagi sa pagtigom og tambok nga magsilbing enerhiya alang sa tibuok nga panaw.
Walay paglanding, pagkaon, o tubig nga madawat ang maong langgam samtang nagpadayon sa paglupad.
Gipakita niini nga bisan ang gagmay nga binuhat sa kinaiyahan aduna gihapoy talagsaong kusog ug kahimuan nga makapahingangha sa kalibutan.
Photo Courtesy: TOP10’s
