Opisyal nang gisugdan niadtong Marso 15, 2026, ang Caraga Regional Athletic Games (CRAG 2026), diin nagtapok ang mga estudyanteng atleta gikan sa nagkalain-laing probinsya ug syudad sa Caraga Region aron makigkompetensya sa nagkadaiyang sports events.
Ang maong kalihokan gitambongan sa mga opisyal sa Department of Education ug lokal nga panggamhanan, uban sa mga coaches, trainers ug ginikanan nga naghatag og suporta sa mga partisipanteng atleta.
Tumong sa regional athletic meet nga mapalambo ang disiplina, talento ug sportsmanship sa mga kabatan-onan, samtang gihatagan usab sila og higayon nga ipakita ang ilang kahimtang sa nagkadaiyang dula sama sa athletics, basketball, volleyball ug uban pang sporting events.
Ang mga modaug sa nagkalain-laing kategorya maoy posibleng mopadayon sa pagrepresentar sa rehiyon sa umaabot nga national level nga kompetisyon.
Gilauman usab sa mga opisyal nga ang kalihokan dili lamang magpalambo sa talento sa mga batan-ong atleta, kundili makapalig-on usab sa panaghiusa ug pakig-uban sa nagkadaiyang dibisyon sa rehiyon.
Human sa pito (7) ka tuig, gipahigayon pag-usab sa Surigao City ang CRAG 2026. Ang rehiyonal nga kalihukan sa isports co-host sa Surigao City Division ug Surigao del Norte Division, nga magtapok sa mga estudyanteng atleta gikan sa tanang lalawigan sa rehiyon sa Caraga.
Ang mga modaog sa CRAG 2026 moabante aron magrepresentar sa rehiyon sa Caraga sa umaabot nga Palarong Pambansa, nga ipahigayon sa Agusan del Sur, nga usa ka oportunidad alang sa mga estudyante nga ipakita ang ilang abilidad sa nasudnong level.
