Gilaraw karon sa kagamhanang lokal sa Malaybalay ang hugot nga pagpatuman sa usa ka ordinansa nga nagmando sa paggamit sa pinulongang Binukid sa tanang mga signages sa mga opisina sa gobyerno, tunghaan, ug uban pang ahensya sulod sa syudad.
Sa exclusive interview, sa Juander Radyo Malaybalay gipasabot ni Konsehal Cromwell Kiril Dinlayan nga ang maong ordinansa, naaprobahan niadtong pang tuig 2020 kansang nagtumong sa pagpreserbar ug pagpabilin sa kultura ug tradisyon sa mga lumad sa Bukidnon.
Ang maong balaodnon giduso ni IPMR Datu Renato Sumbongan kauban sila si Konsehal Dinlayan ug Winky Damasco aron ang mga kabatan-onan, ilabina sa mga hilit nga barangay, makakita ug makakat-on sa ilang lumad nga pinulongan ug mapadayon sa sunod nga henerasyon.
Dugang sa Konsehal, importante kini nga lakang ilabina sama sa selebrasyon sa Kaamulan Festival.
Naghangyo sab karon ang konsehal ug kooperasyon sa publiko sa pagtuman niini nga mando isip pagpakita sa garbo ug pagprotekta sa kabilin sa tibuok probinsya sa Bukidnon
