Misaka na ang ihap sa mga Overseas Filipino Workers gikan sa Region 10 nga mihangyo og repatriation tungod sa nagpadayong kagubot sa Middle East.
Sa eksklusibong pakighinabi sa Juander Radyo sa Regional Director sa Department of Migrant Workers Region 10, gibutyag ni Emmanuel Toledo nga kasamtangang ginabalanse ug gi-evaluate pa sa ilang buhatan ang ihap sa mga OFWs nga posibleng ma-repatriate.
Dugang niya nga sa pagkakaron, abli ang ilang buhatan matag Sabado ug Domingo aron maakomodar ang mga hangyo og pangutana sa mga trabahanteng Pilipino nga anaa sa Middle East.
Nagpadayon usab ang koordinasyon sa ahensya sa nasudnong panggamhanan aron masiguro ang hustong tabang ug proteksyon alang sa mga OFWs gikan sa rehiyon.
Photo courtesy: Department of Migrant Worker Region X
