Nagsugod na og pagbaha ang pipila ka barangay sa Bislig City karong adlawa, Marso 9, 2026, sumala sa report sa City Disaster Risk Reduction and Management Office (CDRRMO).
Ang mga naapektuhan nga lugar mao ang: Purok 3, Sta. Cruz, Purok 3, Coleto, Lawigan Elementary ug Senior High Schools, Purok 1, Maharlika, Barangay San Fernando, Purok 4, San Roque.
Padayon gihapon nga nakasinati ang Bislig City ug kadaghanang dapit sa Surigao del Sur og moderate hangtod heavy rains tungod sa trough sa low pressure area (LPA).
Gihangyo ang mga residente nga magmatngon, ug likayan ang pagtabok sa suba tungod sa kusog nga bul-og sa tubig.
Photo courtesy: CDRRMO Bislig
