Gipahigayon ang pagsaulog sa Al’law ng Kalumonan isip kabahin sa 19th Bulawan Festival 2026, niadtong nakalabay nga adlaw.
Nipadayag sa iyang makahuluganon nga mensahe si Gov. Engr. Raul Mabanglo “𝐼𝑠𝑖𝑝 𝐺𝑜𝑏𝑒𝑟𝑛𝑎𝑑𝑜𝑟, sa lalawigan 𝑛𝑎𝑘𝑖𝑡𝑎 niya 𝑢𝑔 𝑛𝑎𝑠𝑎𝑏𝑡𝑎𝑛 𝑘𝑢𝑛𝑔 𝑢𝑛𝑠𝑎 𝑘𝑎 𝑏𝑖𝑙𝑖𝑙ℎ𝑜𝑛, 𝑠𝑎 𝑝𝑎𝑔𝑘𝑎𝑏-𝑜𝑡 𝑠𝑎 𝑡𝑖𝑛𝑢𝑜𝑑 𝑛𝑔𝑎 𝑘𝑎𝑙𝑎𝑚𝑏𝑜𝑎n
Kon asa iyang gipasidunggan ang nagkalain-laing tribu sa probinsya sa Davao de Oro atol sa Al’law ng Kalumonan sa Bulawan Festival 2026, pinaagi sa ilang kultura ug tradisyon, ingon man sa ilang dakong kontribusyon sa padayong kalamboan sa probinsya.
Giila usab ang dakong kontribusyon sa mga nagkalain-laing tribu sa probinsya sa Davao de Oro dili lamang sa ilang papel sa pagpanalipod sa kinaiyahan, kundili usab sa pagpreserba sa ilang kultura ug pag-amuma sa ilang mga ancestral domain.
Atol sa maong selebrasyon, gipili usab si Gov. Mabanglo isip Matikadung Kabisa sa tribung Mandaya, diin pormal siyang gidawat isip anak sa tribu pinaagi sa tradisyonal nga seremonya.
Nasaksihan usab sa maong selebrasyon ang nagkalain-laing tradisyonal nga kalingawan nga gipakita sa mga tribu sama sa Dinakupay sang Baboy, Siklot, Sumpitan, ug contest sa pagluto og Lyurot.
Anaa usab sa maong pagsaulog sila 1st District Congresswoman Maricar Zamora-Mabanglo, 2nd District Congressman Jhong Ceniza, Provincial IPMR BM Albert Camana, NCIP Regional Director Atty. Geroncio Aguio, NCIP Provincial Officer Roger Lumbin, ug LTC Mark Serapion L. Lagud Jr. ug uban pang mga IP leaders.
Gipasalig niini nga magpadayon ang pagsidungog sa kultura sa mga kahibalo, dignidad sa kultura ug sa pag-ila niini sa dakong kontribusyon sa kalambuan sa lalawigan sa Davao De Oro.
