Gimandoan ni Mayor Roxane Pimentel ang tanang Tandaganon nga seryosohon ang saktong pagbahin-bahin o pag-segregate sa basura ug likayan ang pagpataka og labay niini, aron dili mabara ang mga kanal nga mao’y nag-unang hinungdan sa pagbaha sa dakbayan sa panahon sa kusog nga pag-ulan.
Gidasig usab sa mayor ang komunidad sa pagpananom og mga kahoy isip lig-on nga pamaagi batok sa mga bagyo ug uban pang katalagman nga mahimong moigo sa tagsa-tagsa ka dapit.
Gipahimangnoan usab ni Mayor Pimentel ang katawhan nga undangon na ang pagpangbasol sa binsan kinsa panahon nga adunay kalamidad tungod kay ang kamatuoran nagpakita nga ang kakulangan sa pag-atiman sa kinaiyahan maoy dinugdanan sa maong mga problema.
Gihingusgan sa maong opisyal nga ang kaluwasan sa katawhan, magdepende sa pagtinabangay ug disiplina sa matag usa sa pagpanalipod sa kinaiyahan.
