Gireport sa United States Department of Defense o Pentagon nga usa ka Filipino-American nga sundalo sa Estados Unidos ang apil sa unom ka sundalo nga napatay sa usa ka drone strike sa command center sa Kuwait.
Ang biktima naila nga si Robert Marzan, usa ka Chief Warrant Officer sa militar sa US. Base sa imbestigasyon sa United States Department of Defense, nga anaa sa command center ang biktima sa dihang miigo ang drone strike niadtong Domingo, Marso 1, 2026.
Gani, sa usa ka Facebook post sa igsuon sa biktima nga si Elizabeth Marzan, gihulagway niini nga ang iyang igsuon usa ka lig-on nga lider ug mahigugmaong bana, amahan ug igsoon.
Sa karon ang patayng lawas sa biktima anaa na sa iyang kabanay alang sa pagpahiluna.
Photo Courtesy: Inquirer.net USA
